آئین کے ساتھ خطرناک کھیل کھیلا جا رہا ہے:حمزہ شہباز

مسلم لیگ ن کے رہنماء حمزہ شہباز کا کہنا تھا کہ ڈھٹائی اور بے شرمی سے ڈپٹی اسپیکر نے کہا کہ اجلاس ملتوی کرتا ہوں، ان کی سونامی عوام کی تباہی کا باعث بنی۔

انہوں نے کہا ہے کہ لیڈر آف دی ہائوس کا انتخاب ہونا تھا آئینی ذمہ داری کو مذاق بنایا، سابق گورنر پنجاب چودھری سرور کی پریس کانفرنس قوم نے سنی، دودھ کا دودھ پانی کا پانی ہو گیا کہا مجھے مجبور کیا گیا آئین کے خلاف اقدام کرو لیکن انہوں نے آئین سے غداری نہیں کی۔

حمزہ شہباز کا کہنا تھا کہ علیم خان ملک اسد نعمان لنگڑیال اپنے ضمیر کی آواز پر ہمارے ساتھ کھڑے ہیں، سفارتی تعلقات و عوام سے عمران خان دشمنی کر رہے ہیں۔

ان کا کہنا تھا کہ ہماری خواتین روزے سے بے ہوش ہو گئیں لائٹیں اے سی بند کر دیے، پرویز الہی آپ کا احترام کرتا ہوں یہ ہے آپ کی اخلاقیات، حال کی لائٹیں اے سی بند کروا دیا پانی بند کروا دیا خدا کا خوف کریں، ہار جیت کرنی ہے تو ایوان میں کریں کنڈاسا لے کر میدان میں لے کر آئے ہیں، ہمارے پاس بھی گنڈاسا ہے۔

انہوں نے کہا ہے کہ نئی بلڈنگ بنا کر آئین و قانون کی دھجیاں بکھیری ہیں، پرویز الہی کیا آنکھوں پر پٹیاں باندھ لی ہیں دو سو ممبران نے سیاسی ورکر کو اعتماد کا ووٹ دیا، اگر کارروائی چلتی تو ایوان قائد ایوان کا فیصلہ کرتا اس کو کھیل بنا دیا ہے۔

حمزہ شہباز نے کہا کہ بغیر وجہ کے قائد ایوان کو التواء میں کیسے ڈالا تو سپریم کورٹ نے از خود نوٹس لیا، صدر بھی آئین کے کھلواڑ میں پارٹی بن چکے ہیں، سپریم کورٹ نے کہہ دیا کوئی غیر آئینی قدم نہیں اٹھایا جائے گا؛ قومی و صوبائی اسمبلی میں آئین و قانون کو سب سے زیادہ ترجیح دی جانی چاہیے تھی۔

ان کا مزید کہنا تھا کہ معیشت وینٹی لیٹر پر ہے دودھ بچوں کے لیے نہیں نیازی کے کھیل تماشے بند نہیں ہو رہے، سفارتی تعلقاُت کو پائوں تلے روندھا، بنی گالہ سے اتر کر اپنے ہر گناہ کا جواب دینا ہو گا۔