وزیراعظم نے گورنر پنجاب کو اسلام آباد طلب کر لیا

جی این این کے مطابق گورنر پنجاب عمر سرفراز چیمہ   آج وزیر اعظم عمران خان سےملاقات کریں گے ۔

ذرائع کا بتانا ہے کہ ملاقات میں پنجاب کی صورتحال پر تبادلہ خیال کرینگے ،  گورنر پنجاب وزیر اعظم سے آئندہ لائحہ عمل سےمتعلق رہنمائی لیں گے۔

گورنر پنجاب ملاقات میں اپنی تقرری پر وزیر اعظم عمران خان کا شکریہ ادا کریں گے۔ 

ذرائع کے مطابق گورنر پنجاب  عمر سرفراز چیمہ پارٹی کے آئندہ سیاسی لائحہ بارے طلب کردہ اجلاسوں میں بھی شریک ہوں گے ۔ 

واضح رہے کہ گزشتہ روز وفاقی حکومت نے گورنر پنجاب چوہدری محمد سرور کو ان کے عہدے سے برطرف کر دیا تھا جس کے بعد حکومت نے  عمر سرفراز چیمہ کو نیا گورنر پنجاب مقرر کیا  ۔