شہباز نے مشاورت نہ کی تو نگران وزیراعظم کے لیے ہمارا نام منتخب ہوگا: فواد چودھری

وفاقی دارالحکومت اسلام آباد میں میڈیا سے گفتگو میں فواد چودھری نے کہا کہ الیکشن سے بھاگنا ممکن نہیں، لوگ الیکشن کے لیے تیار ہیں،90 روز میں الیکشن ہونا ہیں۔

انہوں نے کہا کہ نگران وزیر اعظم کے لیے ہم 2 نام دے چکے ہیں، شہباز شریف مشاورت کا حصہ نہیں بنتے تو ان کی مرضی ہے، 7 دن میں ہمارے ناموں میں سے ایک منتخب ہوجائے گا۔

انہوں کہا کہ سپریم کورٹ پر اثر انداز ہونے کی کوشش کی گئی تو مزاحمت کریں گے،خط کی تفصیلات پورے طرح سے عوام کے سامنے نہیں رکھیں، اپوزیشن کی طرف سے اس معاملے پر جتنی کم بات ہو ان کےحق میں اچھا ہے۔

واضح رہے کہ صدر مملکت کی جانب سے وزیراعظم عمران اور شہباز شریف کے نام خط لکھا گیا ہے۔ خط میں کہا گیا کہ اسمبلی تحلیل ہونے کے 3 دن کے اندر کسی ایک نام پراتفاق نہ ہو تو دونوں شخصیات اپنے تجویز کردہ دو دونام کمیٹی کوبھیجیں گی۔