پاکستان اور آسٹریلیا کے مابین واحد ٹی ٹوئنٹی میچ آج کھیلا جائے گا  

تفصیلات کے مطابق پاکستان اور آسٹریلیا کی ٹیمیں رات آٹھ بجے میدان میں اُتریں گی ۔   آسٹریلوی کرکٹر آشٹن اگر اور جوش انگلس کے کورونا ٹیسٹ منفی آگئے، دونوں کھلاڑی فٹ ہونے پر آج کے میچ کے لیے دستیاب ہوں گے۔

رپورٹس کے مطابق دونوں ٹیموں میں فائنل الیون کے لئے چند چہرے بدلیں گے، لیکن حتمی اعلان ٹاس سے پہلے ہی ہوگا۔

یاد رہے کہ اس سے قبل ٹیسٹ سیریز آسٹریلیا اور ون ڈے سیریز میں پاکستان نے کامیابی حاصل کی تھی۔

واضح  رہے کہ دونوں ٹیمیں ٹی ٹوئنٹی فارمیٹ میں آخری بار 11 نومبر 2021 کو ٹی ٹوئنٹی ورلڈ کپ  کے سیمی فائنل میں مدمقابل  آئی تھیں جہاں آسٹریلیا نے 5 وکٹوں سے فتح حاصل کی تھی۔