قائد ایوان کا انتخاب:شاہ محمود قریشی کا شہباز شریف کے کاغذات نامزدگی پر اعتراض

متحدہ اپوزیشن کی جانب سے مسلم لیگ (ن) کے صدر شہباز شریف نے کاغذات نامزدگی جمع کرائے، شہباز شریف کے ہمراہ خواجہ آصف اور دیگر موجود تھے۔

شہباز شریف کے تجویز کنندہ آصف زرداری اور تائید کنندہ بلاول بھٹو زرداری ہیں۔

دوسری جانب تحریک انصاف کی جانب سے شاہ محمود قریشی نے کاغذات نامزدگی جمع کرائے ہیں، عامر ڈوگر اور علی محمد خان تائید کنندہ اور تصدیق کنندہ ہیں۔

اس کے علاوہ پی ٹی آئی کی جانب سے عامر ڈوگر اور ملیکہ بخاری نے کاغذات نامزدگی جمع کرائے۔

قائم مقام اسپیکر قاسم سوری نے قائد ایوان کے لئے امیدواروں کے کاغذات نامزدگی کی جانچ پڑتال کی۔

جانچ پڑتال کے دوران شاہ محمود قریشی نے شہباز شریف کے کاغذات نامزدگی پر اعتراض عائد کردیا۔