تحریک انصاف کے اراکین کا اسمبلیوں سے مستعفیٰ ہونے کا فیصلہ

مائیکرو بلاگنگ وہب سائیٹ ٹوئیٹر پر جاری اپنے پیغام میں فواد چودھری نے کہا کہ تحریک انصاف کے اراکین نے اسمبلیوں سے مستعفیٰ ہونے کا فیصلہ کر لیا ہے۔

انہوں نے کہا کہ کل وزیر اعظم کے انتخاب کے بعد استعفے دینے کا عمل قومی اسمبلی سے شروع کیا جائے گا۔

تحریک انصاف نے اسمبلیوں سے مستعفیٰ ہونے کا فیصلہ کیا ہے، کل وزیر اعظم کے انتخاب کے بعد یہ عمل قومی اسمبلی سے شروع کیا جائیگا

— Ch Fawad Hussain (@fawadchaudhry) April 10, 2022

اپنے ایک اور ٹوئیٹ میں فواد چودھری نے شہباز شریف کے وزارت عظمیٰ کے لیے کاغذات نامزدگی منظور ہونے کے بعد ایف آئی اے کے آرڈر کا ذکر کیا۔

انہوں نے کہا کہ شہباز شریف کے کاغذات نامزدگی منظور ہونے کے بعد ایف آئی اے سے پہلا آرڈر یہ ہوا ہے کہ کل وکلاء کی ٹیم شہباز شریف کے مقدمے میں فرد جرم کے لیے پیش نہیں ہو گی۔

انہوں نے ایف آئی کے اس اقدام پر طنز کرتے ہوئے کہا کہ "ویلکم ٹو پرانا پاکستان"۔