ہمیشہ عوام ہی اپنی خودمختاری اور جمہوریت کا تحفظ و دفاع کرتے ہیں:عمران خان

سماجی رابطے کی ویب سائیٹ ٹوئیٹر پر جاری پیغام میں سابق وزیر اعظم نے کہا کہ کہنے کو تو پاکستان 1947ء میں ایک آزاد ریاست بنا مگر اقتدار کی تبدیلی کی بیرونی سازش کے خلاف آزادی کی ازسرِ نو جدوجہد کا آج نکتۂ آغاز ہے۔

یوں تو پاکستان 1947 میں ایک آزاد ریاست بنا مگر تبدیلئ اقتدار کی ایک بیرونی سازش کیخلاف آزادی کی ازسرِ نو جدوجہد کا آج نکتۂ آغاز ہے۔ ہمیشہ یہ کسی ملک کے عوام ہی ہوا کرتے ہیں جو اپنی خودمختاری اور جمہوریت کا تحفظ و دفاع کرتے ہیں۔

— Imran Khan (@ImranKhanPTI) April 10, 2022

واضح رہے کہ سابق وزیر اعظم عمران خان کے خلاف عدم اعتماد کی تحریک گزشتہ روز کامیاب ہو گئی تھی۔

عمران خان کے خلاف 174 اراکین اسمبلی نے ووٹ ڈالے جس کے بعد وہ عدم اعتماد سے نکالے جانے والے پاکستان کے پہلے وزیر اعظم بن گئے۔

عمران خان کے خلاف عدم اعتماد کی کامیابی کے بعد تحریک انصاف کی جانب سے وزارت عظمیٰ کے لیے شاہ محمود قریشی نے کاغذات نامزدگی جمع کروائے ہیں، جبکہ اپوزیشن اتحاد کے امیدوار رہنما ن لیگ شہباز شریف ہیں۔