لیگی کارکنان کا لندن میں جمائما کے گھر کے باہر احتجاجی مظاہرہ

سوشل میڈیا پر وائرل تصاویر میں مسلم لیگ نواز کے حامیوں کو جھنڈے لہراتے، بینرز اور پلے کارڈز اٹھائے جمائما گولڈ اسمتھ کے گھر کے باہر احتجاج کرتے دیکھا جا سکتا ہے.

احتجاجی مظاہرے کے شرکاء عمران خان کے خلاف نعرے بازی کرتے رہے جبکہ جمائما گولڈ اسمتھ کے گھر کے باہر پولیس کے دستے بھی تعینات تھے۔

دوسری جانب تحریک انصاف کے کارکنان نے بھی لندن کے ہائیڈ پارک اور نواز شریف کی ایون فیلڈ رہائش گاہ کے باہر احتجاجی مظاہرے کیے۔

واضح رہے کہ لیگی رہنما عابد شیر علی نے 14 اپریل کو اعلان کیا تھا کہ اتوار کے روز جمائما گولڈ اسمتھ کے گھر کے باہر احتجاج کیا جائے گا۔

جمائما کے گھر کے باہر احتجاج کی کال پر عابد شیر علی کو سوشل میڈیا پر شدید تنقید کا سامنا بھی کرنا پڑا تھا۔