پاکستان ، قطر کا دو طرفہ تعلقات مضبوط بنانے کیلئےرابطے برقرار رکھنے پر اتفاق

تفصیلات کے مطابق  یہ اتفاق رائے وزیراعظم شہباز شریف اور قطر کے امیر شیخ تمیم بن حمد الثانی کے درمیان ٹیلیفون پر گفتگو کے دوران ہوا۔

 قطر کے امیر نے پاکستان کے وزیر اعظم کا منصب سنبھالنے پرشہباز شریف کو دلی مبارکباد دی اور دونوں ملکوں کے درمیان تعلقات مستحکم بنانے کیلئے مکمل تعاون کی یقین دہانی کرائی ۔

 وزیراعظم نے شیخ تمیم سے گفتگو کرتے ہوئے تجارت، سرمایہ کاری ، توانائی ، مواصلات اور غذائی تحفظ کے شعبوں میں اقتصادی تعاون کو مزید مضبوط بنانے کا عزم ظاہر کیا ۔