ایم کیو ایم پاکستان کے رکن قومی اسمبلی اقبال محمد علی کا انتقال ہو گیا

جی این این  نے اس ضمن میں ایم کیو ایم پاکستان کے ترجمان کے حوالے سے بتایا ہے کہ اقبال محمد علی گزشتہ کافی عرصے سے علیل تھے اور اسپتال میں زیر علاج تھے۔

اقبال محمد علی 2018 کے عام انتخابات میں حلقہ این اے -240 کورنگی سے رکن قومی اسمبلی منتخب ہوئے تھے۔ مرحوم نے وفاقی وزیر برائے ہاؤسنگ کی حیثیت سے فرائض سرانجام دیئے تھے۔ اقبال محمد علی نے چیئرمین قائمہ کمیٹی برائے کھیل کی ذمہ داریاں بھی سرانجام دی تھیں۔