سکیورٹی خدشات : ڈپٹی کمشنر لاہور کا عمران خان کو مینار پاکستان نہ آنے کا مشورہ

تفصیلات کے مطابق ڈپٹی کمشنر لاہور نے مینار پاکستان پر جلسےکے حوالے سے پاکستان تحریک انصاف  کی قیادت کو خط لکھا ہے۔

خط میں چیئرمین تحریک انصاف عمران خان کو سکیورٹی خدشات کے پیش نظر لاہور جلسے میں شرکت نہ کرنے کا مشورہ دیا گیا ہے۔

سابق وزیر اعظم عمران ان سے کہا گیا ہے کہ مینار پاکستان جلسے میں سکیورٹی خدشات موجود ہیں،جلسہ گاہ آنے کے بجائے ویڈیو لنک کے ذریعے خطاب کر لیں۔

یاد رہے کہ تحریک عدم اعتماد کی کامیابی کے بعد پاکستان تحریک انصاف کی جانب سے ملک بھر میں مظاہروں اور جلسوں کا سلسلہ جاری ہے۔ 

اس ضمن میں تحریک انصاف نے جلسوں کا آغاز پشاور سے کیا تھا جس میں عوام نے بڑی تعداد میں شرکت کی جبکہ کراچی جلسے میں بھی اچھی خاصی تعداد میں عوام شریک ہوئے۔

پشاور اور کراچی کے بعد اب 21 اپریل کو تحریک انصاف لاہور میں عوامی طاقت کا مظاہرہ کرنے جا رہی ہے جس کی تیاریاں عروج پر ہیں۔