پاکستان کو عمران خان سے زیادہ فوج کی ضرورت ہے:سابق وزیر اعظم

تفصیلات کے مطابق ٹوئیٹر اسپیس میں کارکنان سے گفتگو کرتے ہوئے سابق وزیر اعظم عمران خان نے تاکید کی ہے کہ فوج کے ادارے پر تنقید کبھی مت کریں۔

انہوں نے کہا کہ عمران خان سے زیادہ اس ملک کو فوج کی ضرورت ہے، کبھی فوج کے خلاف بات نہ کریں، ہمارے دشمن چاہتے ہیں کہ فوج کمزور ہو، اگر فوج نہ ہوتی تو ملک کے ٹکڑے ہو چکے ہوتے۔

چیئرمین تحریک انصاف نے کہا کہ دشمن ہمیشہ فوج پر اٹیک کرتے ہیں، دونوں سابقہ وزراء اعظم نے فوج پر تنقید کی، ہمیں سمجھنا چاہیے کہ دشمن چاہتا ہے کہ ہماری فوج کمزور ہو۔

اپنے خطاب میں انہوں نے کارکنان کو تاکید کی کہ فوج کےخلاف کبھی بات نہیں کرنی بلکہ اپنی فوج کو مضبوط کرنا ہے۔