نواز شریف سے بلاول بھٹو کی لندن میں ملاقات

میڈیا ذرائع کے مطابق دونوں رہنماؤں کے درمیان ملاقات نواز شریف کے لندن میں واقع دفتر میں ہوئی۔

چیئرمین پیپلز پارٹی بلاول بھٹو کی معاونت کے لیے شیر رحمٰن، قمر زمان کائرہ اور نوید قمر پر مبنی پارٹی وفد بھی نواز شریف کے ساتھ ملاقات میں شریک تھا۔

بتایا گیا ہے کہ ملاقات میں بلاول بھٹو زرداری اور نواز شریف نے ایک دوسرے کے ساتھ پر تپاک جملوں کا تبادلہ کیا اور مستقبل میں ساتھ چلنے، تعاون جاری رکھنے پر اتفاق کیا۔

ملاقات سے قبل بلاول بھٹو نے میڈیا سے بھی گفتگو کی جس میں ان کا کہنا تھا کہ میں ایک پارٹی کا چیئرمین ہوں اور نواز شریف ن لیگ کے قائد ہیں، ہماری ملاقات ہونا ضروری تھی۔