لائیو: تحریک انصاف کا لاہور کے گریٹر اقبال پارک میں پاور شو، عمران خان کا خطاب جاری

تحریک انصاف آج لاہور کے گریٹر اقبال پارک میں پاور شو کر رہی ہے، سابق وزیراعظم پاکستان  عمران خان جلسے سے خطاب کر رہے ہیں۔

جلسے میں خطاب کے دوران عمران خان کا کہنا تھاکہ ہم نے نہ غلامی قبول کرنی ہے اور نہ ہی کرپٹ حکومت کو قبول کرنا ہے ۔ انہوں نے روس کے بارے میں باتے کرتے ہوئے کہا کہ روس سے 30 فیصد کم قیمت پر گندم خریدنی تھی  روس اسلیے میری قوم کے لیے فائدہ تھا  ،  ہندوستان روس سے تیل منگوا رہا ہے ،  جب وزیراعظم بنا تو آزاد خارجہ پالیسی کی بات کی ، ہماری حکومت تب گرائی گئی جب ہم ترقی کی راہ پر چل پڑے ۔ان کا کہناتھاکہ ہم نے کبھی نہ ڈیکٹیٹیشن لی اور نہ ہی کبھی لیں گے ۔

عمران خآن نے کہا ہے کہ ہم پیڑول اور مولانا فضل الرحمن کو کم قیمت پر بیچ سکتے تھے ، اب عوام کو پتہ چلا کہ سلیکٹڈ حکومت کیا ہوتی ہے ۔

مینار پاکستان گراؤنڈ میں پنڈال تیار کیا گیا ہے جس میں مرکزی قیادت براجمان ہوگی۔ ترجمان پنجاب پولیس کےمطابق 10 ایس پیز، 25 ڈی ایس پیز اور 59 ایس ایچ اوز جلسے کی سیکیورٹی ڈیوٹی پر مامور ہیں۔  خواتین کیلئے 234 لیڈیز پولیس اہلکار بھی تعینات ہیں۔ جلسے کےشرکاءکی تلاشی یقینی بنائی جائے گی، واک تھرو گیٹس، بیریئرز، خاردارتاریں اور میٹل ڈیٹیکٹرز استعمال کیے جارہے ہیں۔

سیف سٹی اتھارٹیز کے کیمروں کے ذریعے بھی جلسے کی مانیٹرنگ کی جا رہی ہے۔ خیال رہے کہ وزارت عظمیٰ سے ہٹنے کے بعد عمران خان نے عوامی رابطہ مہم شروع کر رکھی ہے۔ اس سلسلے میں پہلا جلسہ پشاور، دوسرا کراچی اور اب تیسرا لاہور میں ہو رہا ہے۔