وفاقی کابینہ میں توسیع ، صدر نے نئے وزراء سے حلف لے لیا

تفصیلات کے مطابق  ایوانِ صدر میں منعقدہ تقریبِ حلف برداری میں وزیرِ اعظم میاں محمد شہباز شریف بھی موجود تھے ۔ مسلم لیگ ن کے جاوید لطیف ، بی این پی مینگل کے آغا حسن بلوچ ، ق لیگ کے چوہدری سالک حسین نے وفاقی وزیر کے عہدے کا حلف اٹھایا۔

بی این پی کے محمد ہاشم نوتیزئی نے وزیرِ مملکت کے عہدے کا حلف اٹھایا۔

واضح رہے کہ  اس سے قبل صدرِمملکت ڈاکٹر عارف علوی نے وزیرِ اعظم شہباز شریف، اسپیکر، ڈپٹی اسپیکر اور وفاقی کابینہ کے ارکان سے علالت کے باعث حلف نہیں لیا تھا۔