بلوچستان :  سیکیورٹی فورسز کی چوکی پر دہشت گردوں کا حملہ، میجر شہید 

آئی ایس پی آر کے مطابق بلوچستان میں آواران کے قریب کاہان  میں دہشتگردوں نے سکیورٹی فورسز کی چوکی کو نشانہ بنایا ، سکیورٹی فورسز کی بروقت کارروائی سے دہشتگرد پسپا ہوکر فرار ہوگئے۔  

دہشتگردوں اور سکیورٹی فورسز میں شدید فائرنگ کا تبادلہ ہوا ۔ دہشت گردوں کے خلاف لڑائی میں میجر شاہد بشیر نے جام شہادت نوش کیا ۔ جھڑپ کے دوران دہشت گردوں کو بھاری نقصان پہنچاتے ہوئے ایک اور سپاہی زخمی ہو گیا۔

آئی ایس پی آر کا کہنا ہے کہ فورسز قوم کے ساتھ مل کر بلوچستان کے امن، استحکام اور ترقی کو سبوتاژ کرنے کی کوششوں کو ناکام بنائیں گی۔