پی ٹی آئی رہنما شہباز گل کی حفاظتی ضمانت کے بعد امریکا سے وطن واپسی

اسلام آباد: پاکستان تحریک انصاف کے رہنما ڈاکٹر شہباز گل امریکاکا 4روزہ نجی دورہ کر کے ملک واپس پہنچ گئے ۔

تفصیلات کے مطابق شہباز گل امریکا سے اسلام آباد ائیرپورٹ پہنچے جس کے بعد وہ اپنی رہائش گاہ کی طرف روانہ ہوگئے۔

واضح رہے کہ شہباز گل کیخلاف فیصل آباد میں توہین مذہب کا مقدمہ درج ہے جس پر انہوں نے اسلام آباد ہائیکورٹ سے حفاظتی ضمانت حاصل کررکھی ہے اور آج وہ امریکا کے 4روزہ دورے کے بعد پاکستان پہنچے ہیں ۔

یاد رہے کہ شہبازگل نے اسلام آباد ہائیکورٹ میں 2اپریل کو چھٹی کے روز درخواست دائر کی تھی جس پر چیف جسٹس اطہر من اللہ نے اسی روز سماعت کی تھی اور حکومت کو حکم دیا تھا کہ شہباز گل کو وطن واپسی پر گرفتار نہ کیا جائے ۔