اسکولوں میں موسم گرما کی چھٹیوں کا آغاز یکم جون سے ہو گا

میڈیا رپورٹس کے مطابق صوبہ پنجاب کے اسکولوں میں موسم گرما کی چھٹیوں کا آغاز یکم جون سے ہوگا، چھٹیوں کا سلسلہ 31 جولائی تک جاری رہے گا۔

اس ضمن میں محکمہ تعلیم پنجاب نے اسکولوں میں بچوں کو موسم گرما کی چھٹیوں کا کام 31 مئی تک دینے کی ہدایت جاری کردی ہے جبکہ پہلی سے آٹھویں جماعت کے نتائج کا اعلان بھی 31 مئی سے قبل کیا جائے گا۔

رپورٹس کے مطابق گرمی کی چھٹیوں کا باقاعدہ نوٹیفکیشن آئندہ ہفتہ جاری ہونے کا امکان ہے، نئے تعلیمی سال کا آغاز یکم اگست سے ہوگا۔