آئین شکن عناصر کے ساتھ آئین اور قانون کے مطابق نمٹا جائے:لندن اجلاس میں فیصلہ

اجلاس کے حوالے ن لیگ کی ترجمان مریم اورنگزیب نے سلسلہ وار ٹوئیٹس میں بتایا کہ آج قائد محمد نوازشریف کی زیرصدارت پارٹی قیادت کے اہم مشاورتی اجلاس کی پہلی نشست ہوئی۔ 

انہوں نے کہا کہ موجودہ حکومت کو ورثے میں ملنے والے سنگین معاشی، آئینی اور انتظامی بحرانوں پرقائد محمد نوازشریف کوتفصیلی بریفنگ دی گئی جبکہ حکومتی ٹیم نے موجودہ معاشی حقائق سے نوازشریف کو آگاہ کیا ہے۔

مریم اورنگزیب نے مزید بتایا کہ اجلاس میں 3 اپریل سے اب تک آئین شکنی کے اقدامات کا جائزہ لیا گیا، اس بات پر اتفاق ہوا کہ آئین شکن عناصر کے ساتھ آئین اور قانون کے مطابق نمٹا جائے۔

ترجمان ن لیگ کا کہنا تھا کہ آئین شکن عناصر کے خلاف فیصلہ کن کارروائی کے لیے مختلف تجاویز پرمشاورت ہوئی، نوازشریف کی زیرصدارت حتمی فیصلوں کے لیے کل پھر اجلاس ہوگا، تمام فیصلوں کا اعلان اتحادی جماعتوں کی تائید و حمایت سے کیا جائے گا۔