سی ٹی ڈی پنجاب کی کارروائی،کالعدم تنظیم کے9مبینہ دہشت گرد گرفتار

ادارے کے ترجمان کا کہنا ہے کہ سی ٹی ڈی پنجاب نے دہشت گردی کے کسی بھی ناخوشگوار واقعہ سے نمٹنے کے لیے رواں ہفتے صوبہ بھر انٹیلی جنس کی بنیاد پر مختلف اضلاع میں 38 آپریشنزکیے، ان آپریشنز میں 40 مشتبہ افراد سے پوچھ گچھ کے دوران مختلف کالعدم تنظیموں کے9 مبینہ دہشت گردوں کو گرفتار کیا گیا، دہشتگردوں کے قبضہ سے دھماکہ خیز مواد، اسلحہ اور دیگر ممنوعی مواد برآمد کیا گیا۔

گرفتار دہشت گردوں کے قبضہ سے دھماکہ خیز مواد 5 کلو گرام،ڈیٹونیٹرز 40 عدد، حفاظتی فیوز 30 فٹ، 5 ہینڈ گرنیڈ، 1 پستول 9 ایم ایم بمعہ 6 گولیاں، 154 ممنوعہ کتابچے، 82,240 روپے نقدی اور 1 پوٹھوہار جیپ  برآمد کر کے مقدمات درج کروا دیے گئے ہیں۔

ترجمان نے مزید کہا کہ رواں ہفتے کے دوران مقامی پولیس اور سیکورٹی اداروں کی مدد سے 452 کومبنگ آپریشنز کیے گئے، ان آپریشنز کے دوران 70 مشتبہ افراد کو گرفتار کر کے 49 ایف آئی آر درج کی گئیں، دہشت گردی سے متعلق کسی بھی قسم کی معلومات کے لیے کاؤنٹر ٹیررزم ڈیپارٹمنٹ پنجاب کی ہیلپ لائن 0800-11111 پر کال کریں۔