بجٹ 2022-23، حکومت نے طلباءکو آسان اقساط پر لیپ ٹاپ فراہم کرنے کا اعلان کر دیا

اسلام آباد: حکومت نے ہائر ایجوکیشن کمیشن کیلئے کرنٹ بجٹ میں 65 ارب روپے کی رقم مختص کی ہے ، اس کے علاوہ 44 ارب روپے ایچ ای سی کی ترقیاتی سکیموں کیلئے رکھے گئے ہیں، جو پچھلے سال کے مقابلے میں 67 فیصد زائد ہیں۔

تفصیلات کے مطابق ایچ ای سی کے بجٹ میں بلوچستان اور ضم شدہ اضلاع کیلئے 5 ہزار وظائف شامل ہیں، بلوچستان کے ساحلی علاقوں کیلئے الگ سکالر شپ سکیم شامل ہے ، ملک بھر میں طلباءکو ایک لاکھ لیپ ٹاپ آسان اقساط پر فراہم کیئے جائیں گے ، انجینئرنگ اور ٹیکنالوجی کی تعلیم کو اپ گریڈ کرنے کی غرض سے سٹیٹ آف آرٹ اکیپومینٹ مہیا کرنے کیلئے بھی فنڈز رکھے گئے ہیں ۔