پاکستان نے ویسٹ انڈیز کو 120 رنز سے شکست دے دی

تفصیلات کے مطابق پاکستان نے ویسٹ اندیز کے خلاف 3 میچوں کی سیریز میں 0-2 کی واضح برتری حاصل کر لی، ملتان کے کرکٹ گراؤنڈ میں پاکستان کی مسلسل دوسری فتح حاصل کر کے سیریز اپنے نام کر لی ہے۔

پاکستان کرکٹ ٹیم کے کپتان بابر اعظم نے ٹاس جیت کر پہلے بلے بازی کا فیصلہ کیا تو شاہینوں نے مقررہ 50 اوورز میں 276 رنز کا ٹارگٹ سیٹ کیا۔

پاکستان کی جانب سے کپتان بابر اعظم 77 رنز کے ساتھ نمایاں بلے باز رہے، امام الحق نے 72 جبکہ شاداب خان اور خوش دل نے 22، 22 رنز جوڑے۔

276 رنز کے تعاقب میں جب ویسٹ انڈیز کے بلے باز میدان میں آئے تو پاکستانی باؤلرز نے ہدف کا کامیاب دفاع کیا اور 32ویں اوور میں ہی مہمان ٹیم کے تما کھلاڑیوں کو 155 کے مجموعی اسکور پر آؤٹ کر دیا، ویسٹ انڈیز کی ٹیم کی جانب سے شامر بروکس 42 رنز بنا کے ٹاپ اسکورر رہے۔