امپورٹڈحکومت کا عوام دشمن بجٹ مسترد کرتےہیں:عمران خان

سماجی رابطے کی ویب سائیٹ ٹوئیٹر پر جاری پیغام میں سابق وزیر اعظم عمران خان فنانس بجٹ کو مسترد کرتے ہوئے کہا کہ یہ میزانیہ مہنگائی 11.5 فیصد اور معاشی نمو 5 فیصد کے حوالے سے غیر حقیقی مفروضوں پر مشتمل ہے۔

انہوں نے کہا 24 فیصد کا آج کا ایس پی آئی واضح اشارہ دے رہا ہے کہ مہنگائی 25 سے 30 فیصد کے مابین ہو گی جو کہ عام آدمی کا بیڑہ غرق کرے گی۔

سابق وزیر اعظم نے کہا کہ بلند شرح سود معاشی ترقی کی رفتار کم کر دے گی، ہماری تمام تر ترقی پسند ٹیکس اصلاحات، صحت کارڈ، کامیاب جوان جیسے عوام دوست جیسے منصوبوں کو لپیٹا جا رہا ہے۔

And on the other hand retard economic growth due to high interest rates. All our progressive tax reforms and Pro-poor programs such as Sehat card, Kamyab Pakistan are being shelved. It is an unimaginative, Purana Pakistan budget creating more burdens & misery for the nation.

— Imran Khan (@ImranKhanPTI) June 10, 2022

چیئرمین تحریک انصاف کا مزید کہنا تھا کہ پرانے پاکستان کا یہ ایسا بے تخیل میزانیہ ہے جو قوم کے لیے مزید بوجھ ثابت ہوگا اور تکلیف کا باعث بنے گا۔