خیبرپختونخوا کا بجٹ آج پیش ہوگا

جی این این کے مطابق خیبر پختونخوا کا ایک ہزار 332 ارب روپے کا بجٹ آج پیش کیا جائے گا ، صوبائی وزیر خزانہ تیمور سلیم جھگڑا بجٹ پیش کرینگے۔ 

بجٹ کے لئے اسمبلی اجلاس دوپہر2بجے ہو گا، اگلے مالی سال کے لیے خیبرپختونخوا کا مجوزہ بجٹ کاحجم 1312ارب روپے رکھا گیا ہے۔ 

بجٹ میں سرکاری ملازمین کی تنخواہوں میں پندرہ فیصد اضافہ ہوگا،  صوبائی ترقیاتی پروگرام کے لیے 375 ارب روپے رکھے گئے ہیں ۔ سرکاری اسکولوں میں 242 سائنس اور آئی ٹی لیبز قائم کی جائیں گی۔

علاوہ ازیں خیبرپختونخوا کابینہ کا اہم اجلاس آج  دن 11 بجے ہو گا ، اجلاس سے مالی سال 2022-23بجٹ کی منظوری لی جائے گی۔ 

اعلامیے کے مطابق بجٹ کے علاوہ فنانس بل بھی ایجنڈے کا حصہ ہے ،  کابینہ اجلاس منظوری کے بعد مالی سال2022-23 کابجٹ آج اسمبلی اجلاس میں پیش کیاجائے گا۔