ایشین سائیکلنگ چیمپئن شپ، پاکستانی ٹیم کو بھارت کے ویزے نہ مل سکے

سیکرٹری سائیکلنگ فیڈریشن معظم اظہر نے بتایا کہ پاکستانی سائیکلنگ ٹیم نے 15جون کو بھارت روانہ ہونا ہے،ایشین سائیکلنگ چیمپئن شپ  18 سے 22 جون تک نئی دہلی میں ہوگی۔

صدر پاکستان سائیکلنگ فیڈریشن اظہر شاہ کا کہنا ہے کہ بھارتی ایمبیسی کو بے شمار ای میل کرچکے ہیں، 17جون کو ویزے دییے توٹیم کب جائے گی اور چیمپئن شپ میں کیسے حصہ لے گی۔

اظہر شاہ نے مزید کہا کہ ایشین سائیکلنگ چیمپئن شپ رینکنگ ایونٹ ہے، پاکستانی ٹیم کو ویزے نہ ملے تو ہم ہر سطح پر آواز اٹھائیں گے۔