سبطین خان پنجاب اسمبلی میں اپوزیشن لیڈر نامزد

تفصیلات کے مطابق سبطین خان کی بطور اپوزیشن لیڈر نامزدگی سے متعلق تحریک انصاف نے اسمبلی سیکرٹریٹ کو باضابطہ آگاہ کر دیا ہے۔

اسپیکر پنجاب اسمبلی پرویز الہٰی نے بھی اپوزیشن لیڈر کا نوٹیفکیشن جاری کر دیا۔

واضح رہے کہ پنجاب اسمبلی میں آج اسپیکر چوہدری پرویز الہٰی کی صدارت میں بجٹ اجلاس ہورہا ہے ،  پاکستان تحریک انصاف (پی ٹی آئی) اور ق لیگ نے بجٹ اجلاس میں بھرپور احتجاج کا فیصلہ کیا ہے۔

ایجنڈے کے مطابق اجلاس میں آئندہ مالی سال کا بجٹ پیش کیا جائے گا۔