نالائق اور بے کار لوگ پاکستان پر مسلط کر دیے گئے ہیں:فواد چودھری

رہنما پاکستان تحریک انصاف فواد چودھری نے سماجی رابطے کی ویب سائیٹ ٹوئیٹر پر جاری ایک پیغام میں معیشت کی بہتری کے حوالے سے حکومتی اقدامات کو تنقید کا نشانہ بنایا۔

انہوں نے کہا کہ موجودہ حکومت کی اہم اقتصادی پالیسیاں یہ ہیں کہ چائے پینا بند، دکانوں کے شٹر بند، کارخانوں کی مشینری بند، بینکوں سے قرض بند اور مہنگائی سے بچنے کے لیے ہر قسم کی خریداری بند۔

سابق وفاقی وزیر عوام سے اپیل کرتے ہوئے کہا کہ نالائق اور بے کار لوگ پاکستان پر مسلط کر دیے گئے ہیں، ان سے جان چھڑانے کے لیے ہر صورت آج رات احتجاج میں شامل ہوں۔

موجودہ حکومت کی اہم اقتصادی پالیسیاں 1) چائے پینا بند 2) دکانوں کے شٹر بند 3) کارخانوں کی مشینری بند 4) بینکوں سے قرض بند 5) مہنگائ سے بچنا ہے ہر قسم کی خریداری بند۔۔۔ نالائق اور بیکار لوگ پاکستان پر مسلط کر دئیے گئے ہیں ان سے جان چھڑانے کیلئے ہر صورت آج رات احتجاج میں شامل ہوں

— Ch Fawad Hussain (@fawadchaudhry) June 19, 2022

واضح رہے کہ چیئرمین پاکستان تحریک انصاف نے مہنگائی میں مسلسل اضافے کے خلاف اتوار کی شب ملک گیر احتجاج کی کال دے رکھی ہے۔