دودھ کی رکھوالی پر بلے کو بٹھا دیا گیا ہے:شیخ رشید

سماجی رابطے کی ویب سائیٹ ٹوئیٹر پر جاری پیغام میں سابق وزیر داخلہ شیخ رشید نے کہا کہ نیب کے قانون میں ترمیم کے بارے میں عمران خان نے جو تقریر کی ہے وہ پوری قوم کے جذبات کی ترجمانی ہے۔

انہوں نے کہا کہ جب چوروں کو چوکیدار بنا دیا جائے تو پھر چور نیب کے قانون میں ترمیم کے ذریعے ایسے گندے قانون پاس کرتے ہیں، دودھ کی رکھوالی پر بلے کو بٹھا دیا گیا ہے۔

#امپورٹڈ_حکومت_نامنظور pic.twitter.com/kyXqrxcppS

— Sheikh Rashid Ahmed (@ShkhRasheed) June 21, 2022

اس سے قبل سابق وزیر اعظم عمران خان کی زیر صدارت پارٹی ترجمانوں کا اجلاس ہوا، جس میں نیب قوانین میں ترامیم کے ذریعے این آر او کی حکومتی کوششوں پر بحث و مباحثہ ہوا۔

اس موقع پر عمران خان نے نیب قوانین میں ترامیم پر سخت رد عمل دیتے ہوئے کہا کہ جانتا تھا یہ اقتدار میں آکر اپنے آپ کو بچائیں گے، نیب ترامیم پر خاموش نہیں بیٹھیں گے۔