فتنہ خان نے طیبہ کو ہفتوں وزیر اعظم ہاؤس میں حبس بےجا میں رکھا، مریم نواز کا دعویٰ

ن لیگ کی نائب صدر مریم نواز نے سماجی رابطے کی ویب سائیٹ ٹوئیٹر پر جاری پیغام میں سابق وزیر اعظم عمران خان سے متعلق بڑا دعویٰ کیا ہے۔

مریم نواز کا کہنا ہے کہ سابق وزیر اعظم عمران خان نے دھوکے سے طیبہ کو ہفتوں وزیر اعظم ہاؤس میں حبس بےجا میں رکھا اور اس سے چیئرمین نیب کی ویڈیوز لیں۔

انہوں نے دعویٰ کیا ہے کہ سابق وزیر اعظم نے ان ویڈیوز کے ذریعے چیئرمین نیب کو بلیک میل کیا اور من پسند فیصلے لیے، نیب کو اپنے سیاسی مخالفین کے خلاف استعمال کرنے پر سخت ایکشن ہونا چاہیے۔

نیب کا رونا رونے والے فتنہ خان نے دھوکے سے طیبہ کو ہفتوں وزیر اعظم ہاؤس میں حبس بےجا میں رکھا،اس سے چیرمین نیب کی ویڈیوز لیں،پھر ان ویڈیوز کے ذریعے چیرمین نیب کو بلیک میل کیا اور من پسند فیصلے لیے۔ نیب کو اپنے سیاسی مخالفین پر وار کرنے کے لیے استعمال کرنے پر سخت ایکشن ہونا چاہیے۔

— Maryam Nawaz Sharif (@MaryamNSharif) June 21, 2022