اے ایس ایف کی پشاور ایئرپورٹ پر کارروائی، غیرملکی کرنسی برآمد، ملزم گرفتار

ایئرپورٹ سیکیورٹی فورس (اے ایس ایف) کے عملے نے پشاور ایئرپورٹ پر کارروائی کرتے ہوئے دوبئی جانے والے مسافر سے ایک لاکھ 79 ہزار 100 سعودی ریال، 6 ہزار 185 یو اے ای درہم اور ایک ہزار 546 ڈالر برآمد کرلیے۔

ترجمان اے ایس ایف کے مطابق مسافر اظہارالحق نے کرنسی بیگ میں چھپا رکھی تھی تاہم عملے نے تلاشی کے دوران کرنسی برآمد کر کے منی لانڈرنگ کی کوششں ناکام بنادی۔

واضح رہے کہ کرنسی کی مالیت مقامی کرنسی میں ایک کروڑ 60 لاکھ روپے سے زائد بنتی ہے۔

ترجمان اے ایس ایف نے بتایا کہ ملزم کو ابتدائی تفتیش کے بعد برآمد شدہ رقم سمیت مزید کارروائی کے لیے کسٹم حکام کے حوالے کردیا گیا۔