محمد حسنین کا انگلش کاؤنٹی ٹیم سے معاہدہ طے پا گیا

وورسٹرشائر کاؤنٹی کا معاہدے سے متعلق کہنا ہے کہ  22 سالہ پاکستانی فاسٹ باؤلر محمد حسنین کو کاؤنٹی چیمپئن شپ میں آخری 6 میچز کے لیے سائن کرلیا گیا ہے،محمد حسنین 11 جولائی کو مڈل سیکس کے خلاف اپنا پہلا میچ کھیلیں گے۔

میڈیا رپورٹس کے مطابق وورسٹرشائر کے ہیڈ کوچ ایلیکس گُڈمین کا اس حوالے سے کہنا ہے کہ 90 میل فی گھنٹہ کی رفتار سے باؤلنگ کروانے والا پلیئر ٹیم کے لیے کافی مفید ہوگا۔

محمد حسنین نے معاہدے کے حوالے سے کہا کہ اس سے انہیں سیکھنے کو بہت کچھ ملے گا، خواہش ہے زیادہ سے زیادہ فرسٹ کلاس میچز کھیلوں۔