معروف ریٹنگ ایجنسی موڈیز نے روس کو ڈیفالٹ قرار دے دیا

غیر ملکی خبر ایجنسی کی رپورٹ کے مطابق روس ایک صدی سے زائد عرصے میں پہلی بار غیر ملکی قرضوں میں ڈیفالٹ ہوا ہے, ماسکو نے غیرملکی قرضوں کی آخری تاریخ گزر جانے کے باوجود ادائیگی نہیں کی.

رپورٹ میں بتایا گیا ہے کہ روس کے پاس 100 ملین ڈالر کی واجب الادا رقم کی آخری تاریخ 27 مئی تھی، جس پر ایک ماہ کی مزید رعایت دی گئی تاہم یہ مدت بھی ختم ہو گئی۔

دوسری جانب روس نے اپنے بیرونی قرضوں میں نادہندہ ہونے کی خبروں کو مسترد کرتے ہوئے کہا کہ ادائیگی مئی میں غیر ملکی کرنسی میں کی گئی تھی،  بین الاقوامی پابندیوں کی وجہ سے بانڈ ہولڈرز کو رقوم بھیجنے سے قاصر ہیں۔