پاکستان مذہبی سیاحت کے فروغ کی ضرورت کو تسلیم کرتا ہے:آرمی چیف

پاک فوج کے شعبہ تعلقات عامہ کے مطابق آرمی چیف جنرل قمر جاوید باجوہ نے برطانوی فوج کے 12 رکنی سکھ افسران سے ملاقات کے دوران کہا کہ پاکستان ملک میں مذہبی سیاحت کے فروغ کی ضرورت کو تسلیم کرتا ہے۔

ترجمان پاک فوج کے مطابق ملاقات میں آرمی چیف نے کہا کہ پاکستان میں تمام مذاہب کا احترام کیاجاتا ہے،کرتار پور راہداری پاکستان کی مذہبی آزادی اور ہم آہنگی کے لیے غیر متزلزل عزم کا عملی مظہر ہے۔