اسحاق ڈار نے وطن واپسی کی خبروں کی تصدیق کردی

تفصیلات کے مطابق سابق وزیر خزانہ اسحاق ڈار کی وطن واپسی سے متعلق خبریں گردش کر رہی تھیں جن کی اسحاق ڈار نے خود تصدیق کردی ہے۔

سابق وزیر خزانہ نے برطانوی نشریاتی ادارے سے گفتگو کرتے ہوئے کہا کہ اگلے ماہ پاکستان واپسی کا ارادہ تقریباً کنفرم ہے، اگلے ماہ پاکستان واپسی کی تیاری کر رہا ہوں اور وہاں پہنچ کر سینیٹر کا حلف اٹھاؤں گا۔

انہوں نے کہا کہ  ڈاکٹرز  اگلے چند روز میں علاج کے مکمل ہونے کے بارے میں پُرامید ہیں، صحت کو درپیش کچھ مسائل کا علاج اگلے 10 سے 12 روز میں مکمل ہونے کی توقع ہے۔

انہوں نے مزید کہا کہ میرے وزیر خزانہ کا قلمدان سنبھالنے سے متعلق فیصلہ پارٹی اور قیادت کرے گی، میرے خلاف پاکستان میں دائر کیس ایک جعلی مقدمہ ہے۔