گوادر پاکستان کی ترقی میں سنگ میل ثابت ہوگا: وزیر اعظم

تفصیلات کے مطابق وزیراعظم شہباز شریف سے ن لیگ کے رہنماء جعفر مندوخیل کی ملاقات ہوئی جس میں لیگی رہنما نے وزیراعظم کو بلوچستان کے معاملات سے آگاہ کیا۔

وزیر اعظم شہباز شریف نے جعفر مندوخیل سے سیاسی اور پارٹی امور پر گفتگو کی اور انہیں بلوچستان میں سیاسی سرگرمیاں تیز کرنے کی ہدایت کی۔

وزیر اعظم نے کہا کہ گوادر پاکستان کی ترقی میں سنگ میل ثابت ہوگا، بلوچستان ہمارے دل کے قریب ہے، بلوچستان میں ترقی سے لوگوں کا معیار زندگی بلند ہوگا۔