وزیراعظم کا بارش اور سیلاب سے جاں بحق افراد کے لواحقین کیلئے خصوصی پیکج کا اعلان

جاری اعلامیے کے مطابق وزیراعظم شہباز شریف کی جانب سے سیلاب اور بارشوں سےجاں بحق افرادکےاہل خانہ کی ہنگامی مالی امدادکی منظوری دی گئی  ہے۔

جاں بحق افراد کے لواحقین کے لیے 10 لاکھ روپے فی کس امداد کا اعلان کیا گیا ہے جس میں سے 50 فیصد وفاقی حکومت فراہم کرےگی جبکہ امدادی رقم کا 50 فیصد متعلقہ صوبائی حکومتیں فراہم کریں گی۔

وزیر اعظم شہباز شریف کی جانب سے سیلاب اور بارشوں سے جاں بحق ہونے والوں کے لواحقین کی بھرپور امداد کو یقینی بنانے کی بھی ہدایت کی گئی ہے۔