جمعہ کے روز بینک کھلیں گے یا نہیں؟ اسٹیٹ بینک کا اہم اعلان

تفصیلات کے مطابق اسٹیٹ بینک آف پاکستان نے تمام بینکوں کو ہدایت کی ہے کہ عوام کی سہولت کے لیے کل براز جمعہ 8 جولائی کو منتخب برانچیں کھلی رکھیں۔

اسٹیٹ بینک کے مطابق یہ فیصلہ طویل تعطیلات میں عوام کو بینکاری خدمات کی دستیابی کے لیے کیا گیا، تاہم اس دوران صرف ڈیپازٹ اور کیش کی سہولت دستیاب ہوگی، آر ٹی جی ایس اور نفٹ سے کلیئرنگ کی سروس بند ہوگی۔

جاری اعلامیے میں مرکزی بینک کا کہنا ہے کہ کلیئرنگ کے تمام لین دین، زرمبادلہ تبدیلی کا تصفیہ بروز بدھ 13 جولائی کو کیا جائے گا۔

یاد رہے کہ وفاقی حکومت نے عیدالضحیٰ کے موقع پر 8 سے 12 جولائی تک 5 چھٹیوں کا اعلان کیا تھا، جس کے بعد مرکزی بینک نے بھی 8 سے 12 جولائی تک تعطیلات کا اعلان کیا تھا۔