لاہور ، ملتان میں 9 اور 10 محرم کو میٹرو بس سروس معطل رہے گی

تفصیلات کے مطابق لاہور اور ملتان میں 9 اور 10 محرم کو میٹرو بس سروس معطل رہے گی، کراچی میں 7، 8 اور 9 اگست کو گرین لائن بس سروس کو بند رکھا  جائے گا۔

لاہور میں 9 محرم الحرام کو میٹرو بس جزوی طور پر بند رہے گی جبکہ 10محرم الحرام کو میٹرو بس سروس مکمل بند رہے گی، اورنج لائن ٹرین یوم عاشور پر چلتی رہے گی۔

ملتان میں میٹرو بس سروس 9 اور 10 محرم الحرام کو  مکمل بند ہوگی، یوم عاشور پر سکیورٹی کو یقینی بنانے کے لیے گرین لائن اور میٹرو بس سروس کو معطل رکھنے کا فیصلہ کیا گیا ہے۔