وزیر اعظم پر دباؤ ڈالا جار ہا ہے کہ اگر بڑے فیصلے کیے تو آپ کی حکومت گئی ، عارف حمید بھٹی

جی این این کے پروگرام  " خبر ہے " میں گفتگو کرتے ہوئے سینئر صحافی و تجزیہ کارعارف حمید بھٹی  نے کہا کہ  وزارت داخلہ کیلئے میچ پڑا ہوا ہے ، دو طاقتور وزراء "وزارت داخلہ " کیلئے  کوشش کر رہے ہیں۔عارف حمید بھٹی نے کہا کہ ایک اہم  شخصیت  کو کسی نے جا کر کہا کہ آپ کے پرنسپل سیکرٹری  نے تباہی مچا دی ہے، اس سے بچیں  لیکن اس کو تبدیل نہیں کر پا رہے۔

دو طاقتور وزیروں میں "وزارت داخلہ" پر میچ پڑ گیا ہے، عارف حمید بھٹی نے بڑی خبر دے دی@arifhameed15 @saeed_qazi @tahirmalikpak @fawadchaudhry @ShkhRasheed @PTIofficial #KhabarHai #GNN pic.twitter.com/bRRanjb4pp

— GNN (@gnnhdofficial) March 30, 2021

سینئر صحافی عارف حمید بھٹی نے پروگرام میں بتایا کہ  حکومت کے 5وزراء  جو ایک ایک وزارت کیلئے لڑ رہے ہیں ۔انہوں نے پروگرام میں کہا کہ حکومت کے اتحادیوں کی بہت بڑی بڑی ڈیمانڈ آرہی ہیں ۔اب وزیر اعظم کا امتحان ہے، وزیر اعظم پر دباؤ ڈالا جار ہا ہے کہ پی ڈی ایم تو نہیں آپکی حکومت گرا سکی ،اگر آپ نے بڑے فیصلے کیے تو آپکی حکومت گئی۔