پی پی 203 چیچہ وطنی کے ضمنی انتخاب میں مسلم لیگ (ن) کا امیدوار بازی لے گیا

ویب ڈیسک: پنجاب اسمبلی کے حلقہ پی پی 203 چیچہ وطنی کے ضمنی انتخاب میں غیر حتمی اور غیرسرکاری نتائج سامنے آگئے ہیں، جن کے مطابق مسلم لیگ (ن) کے امیدوار چوہدری اسد حنیف جٹ نے میدان مار لیا ہے۔

حلقہ پی پی 203 چیچہ وطنی کے تمام 185 پولنگ اسٹیشنز کے غیرحتمی و غیر سرکاری نتائج کے مطابق مسلم لیگ (ن) کے امیدوار اسد حنیف جٹ 41 ہزار 245 ووٹ لے کر کامیاب ہوئے جب کہ تحریک احساس پاکستان کے امیدوار اویس محمود 23 ہزار 167 ووٹ حاصل کرسکے۔

اس طرح مسلم لیگ (ن) کے امیدوار چوہدری اسد حنیف جٹ نے 18 ہزار 78 ووٹوں کی برتری حاصل کی۔

پنجاب اسمبلی کی یہ نشست مسلم لیگ (ن) کے رکن صوبائی اسمبلی چوہدری محمد حنیف جٹ کے انتقال کے باعث خالی ہوئی تھی۔