اکتوبر میں تیل ،ڈالر اور بجلی کی قیمت میں کمی آنا شروع ہوجائے گی:خرم دستگیر

رہنما مسلم لیگ ن خرم دستگیر نے نجی ٹی وی چینل سے گفتگو میں کہا کہ خریداری پرانی تھی اس وجہ سے تیل کی قیمت بڑھی،پیٹرولیم مصنوعات کی قیمتوں میں اضافے سے15دن کے لیے تھوڑا مشکل ہوگا۔

انہوں نے کہا کہ مفتاح اسماعیل کی وضاحت کے بعد سب نے اس کو سپورٹ کیا ہے، ہم تو ایک پیسہ اضافہ بھی عوام پر ڈالنا نہیں چاہتے، اس مہینے کے آخر میں صارفین کو پیٹرول کی قیمت میں واضح کمی نظر آئے گی۔

ان کا مزید کہن تھا کہ آئی ایم ایف کے ساتھ معاملہ بالکل قریب آگیا ہے،تاجروں سے محدود مقرار میں ابھی بھی ٹیکس لیا جا رہا ہے،پیٹرولیم مصنوعات کی قیمتوں میں اضافے کا فیصلہ پوری جماعتوں کا ہے۔