سیلا ب کی تباہ کاریاں جاری ، مزید 24 افراد جاں بحق

 نیشنل ڈیزاسٹر مینجمنٹ اتھارٹی (این ڈی ایم اے)  کی جانب سے جاری رپورٹ کیمطابق ملک میں سیلاب  کی تباہ کاریاں جاری ہیں ، گزشتہ  24 گھنٹوں کے دوران مزید 24 افراد جاں بحق ہو گئے۔

این ڈی ایم اے کے مطابق گزشتہ 24 گھنٹوں کے دوران سب سے زیادہ 19 اموات صوبۂ سندھ میں ہوئی ہیں ۔  نیشنل ڈیزاسٹر مینجمنٹ اتھارٹی  کا کہنا ہے  کہ سیلاب سے جاں بحق ہونے والوں کی مجموعی  تعداد 1 ہزار 314 ہو گئی ہے۔

این ڈی ایم اے  کے مطابق گزشتہ 24 گھنٹوں کے دوران سیلاب کے باعث مختلف حادثات میں 115 افراد زخمی بھی ہوئے ہیں جبکہ سیلاب اور بارشوں سے اب تک 12 ہزار 703 افراد زخمی ہو چکے ہیں۔

این ڈی ایم اے کا یہ بھی کہنا ہے کہ گزشتہ 24 گھنٹوں میں مزید 3 پلوں کو نقصان پہنچا ہے، جبکہ مجموعی طور پر 246 پلوں کو اب تک نقصان ہوا ہے۔