سوڈان  : شدید بارشوں اور سیلاب سے ہلا کتو ں کی تعداد 112 ہو گئی

خبررساں ادارے کے مطابق  سوڈان کی نیشنل کونسل فار سول ڈیفنس نے جاری بیان میں کہا کہ سوڈان میں حالیہ شدید بارشوں اور سیلاب سے ہلاکتوں کی تعداد بڑھ کر 112 جبکہ 115 زخمی ہوئے ہیں ۔  اب تک سیلاب اور بارشوں سے 34,944 مکانات تباہ ہوگئے ہیں۔

شمالی، وسطی اور مغربی سوڈان کے 250 سےزیادہ دیہات ایک ماہ سے جاری طوفانی بارشوں کی زد میں ہیں۔

واضح رہے سوڈانی وزرا کی کونسل نے دریائے نیل، گیزیرہ ، وائٹ نیل، ویسٹ کورڈوفن، جنوبی دارفور اور کسالا کی6 سیلاب زدہ ریاستوں میں ہنگامی حالت کا اعلان کیا۔

اقوام متحدہ کے دفتر برائے رابطہ برائے انسانی امور کے مطابق، جون سے سوڈان بھر میں سیلاب اور شدید بارشوں سے تقریباً 136,000 افراد متاثر ہوئے ہیں۔