سندھ میں ڈینگی کے مزید 3 مریض انتقال کرگئے

محکمہ صحت سندھ کے مطابق کراچی، سانگھڑ اور دادو میں مزید تین مریض دم توڑ گئے جس کے بعد رواں سال ڈینگی وائرس سے صوبے میں انتقال کرنے والوں کی تعداد 41 جبکہ کراچی میں 37 ہوگئی۔

محکمہ صحت سندھ کے مطابق کراچی میں گزشتہ چوبیس گھنٹوں کے دوران مزید 314 افراد ڈینگی سے متاثر ہوئے، کراچی میں رواں ماہ 1429 افراد جبکہ رواں سال کے دوران 9909 افراد ڈینگی وائرس سے متاثر ہوئے ہیں۔

اعداد و شمار کے مطابق ضلع وسطی میں سب سے زیادہ 96 اور ضلع غربی میں سب سے کم 15 کیسز رپورٹ ہوئے ہیں، ضلع شرقی میں 67، ضلع کورنگی 48، ضلع جنوبی 42، ضلع ملیر 29 جبکہ ضلع کیماڑی میں 17 کیسز رپورٹ ہوئے ہیں۔

محکمہ صحت سندھ کے اعداد وشمار کے مطابق گزشتہ چوبیس گھنٹوں کے دوران کراچی میں 314، حیدرآباد 44، جامشورو 4، عمرکوٹ 4، تھرپارکر 2، میرپور خاص 8، لاڑکانہ 1، جیکب آباد 1، گھوٹکی 1، سکھر 3 اور شہید بینظیر آباد سے 3 کیس سامنے آئے۔

مجموعی طور پر چوبیس گھنٹوں میں سندھ سے 386 کیسز رپورٹ ہوئے جس کے بعد سندھ میں اکتوبر میں کیسز کی تعداد 1793اور رواں سال 11947 ہوگئی۔