وزیراعظم شہبازشریف   کی ایک اور مبینہ آڈیولیک سامنے آگئی

جی این این کے مطابق مبینہ آڈیو میں وزیراعظم شہباز شریف اور ایک نامعلوم شخص اتحادیوں کے معاون خصوصی بننے پر گفتگو کررہے ہیں۔

 مبینہ آڈیو میں ایک شخص کو یہ کہتے ہوئے سنا گیا ہے  کہ ایاز صادق صاحب کہہ رہے ہیں کہ پیپلز پارٹی والے ’ایس اے‘ پی ایم سے بھی شیئر مانگ رہے جس پر وزیراعظم شہباز شریف کہتے ہیں کہ جی بالکل، بلاول نے بات کی تھی۔

آڈیو میں نامعلوم شخص کہہ رہا ہے کہ پھر اب آپ دیکھ لیں، پھر ہمیں ظفر محمود اور جہانزیب صاحب کو بھی لگانا ہے، پھر میں آپ کو ایک فائنل نمبر بتادوں گا، اس پر وزیراعظم کہتے ہیں کہ وہ ڈاکٹر صاحب سے بھی شیئر کرلیں ناں، پیپلز پارٹی ہی نہیں باقیوں سے بھی شیئر کرلیں۔

مبینہ آڈیو لیک میں نامعلوم شخص کہتا ہے کہ وہ پھر ایم کیو ایم اور جے یو آئی بھی مانگے گی، متحدہ کے ایک بندے کا نام ملک احمد علی بتا رہا ہے کہ ڈیل کرانے میں ان کا بڑا اہم رول تھا۔

آڈیو لیک میں وزیراعظم شہباز شریف سوال کرتے ہیں کہ یہ کون؟ جس پر نامعلوم شخص جواب دیتا ہے کہ سر یہ کراچی کا بندہ ہے۔

وزیر اعظم شہباز شریف کی سوشل میڈیا پر ایک اور مبینہ آڈیو لیک#AudioLeaks #GNN pic.twitter.com/ymbkuk5QXb

— GNN (@gnnhdofficial) October 13, 2022