اسلام آباد : ڈینگی کیسز میں مسلسل اضافہ 

جی این این کے مطابق اسلام آباد میں ڈینگی کے کیسز میں بدستور اضافہ جاری ہے ،  ڈی ایچ اوکے مطابق  ڈینگی سے متاثرہ افراد کی مجموعی  تعداد 3 ہزار 621  ہوگئی  ہے ۔ 

ڈی ایچ او  کے مطابق  دیہی علاقوں میں 24 گھنٹوں کے دوران ڈینگی کے 58 کیسز  سامنے آئے جس کے بعد دیہی علاقوں میں ڈینگی کے کل کیسز کی تعداد 2114 ہوگئی ہے ۔ 

اسی طرح   شہری علاقوں میں ڈینگی کے 48 کیسز رپورٹ ہوئے  ، جس کے بعد  شہری علاقوں میں ڈینگی کیسز کی کل تعداد 1507 تک پہنچ گئی ہے ۔ 

ڈی ایچ او کا کہنا ہے  کہ اسلام اباد میں ڈینگی سے جاں بحق افراد کی تعداد 7 ہے ،  جبکہ پمز ہسپتال میں 24 گھنٹوں میں 45 افراد میں ڈینگی کی تشخیص  ہوئی ہے ۔