ایف اے ٹی ایف کااجلاس آج ، پاکستان پُرامید

تفصیلات کے مطابق فنانشل ایکشن ٹاسک فورس کا 2 روزہ اجلاس آج سے پیرس میں شروع ہو گا ، جس میں پاکستان کا نام گرے لسٹ سے نکالنے کا جائزہ لیا جائے گا ۔

پاکستانی وفد کی نمائندگی وزیر مملکت برائے خارجہ امور حنا ربانی کھر کریں گی ۔ پاکستان پُرامید ہے کہ اس بار پاکستان کا نام گرے لسٹ سے نکال دیا جائے گا۔

ذرائع کا کہنا ہے کہ پاکستان ایف اے ٹی ایف اور ایشیا پیسفک گروپ کی طرف سے دیے گئے تمام نکات پر عمل درآمد کرچکا ہے۔

یاد رہے کہ پاکستان کا نام جون  2018 میں ایف اے ٹی ایف کی گرے لسٹ میں ڈالا گیا تھا۔