کراچی : گھر میں گیس لیکیج کے باعث آتشزدگی ، 7 افراد جھلس گئے

تفصیلات کے مطابق اورنگی ٹاؤن سیکٹر ساڑھے گیارہ میں گھر میں گیس لیکج کے باعث آگ لگنے سے میاں بیوی اور 5 بچے جھلس کر زخمی ہوگئے۔

زخمیوں کی شناخت 50 سالہ ریاض، 50 سالہ حسن آراء، 26 سالہ علی رضا، 16 سالہ انس، 14 سالہ اویس اور 22 سالہ علیزے کے نام سے ہوئی ہے۔

تمام زخمیوں کو سول اسپتال کے برنس وارڈ منتقل کردیا گیا ہے، جہاں پر ڈاکٹروں کے مطابق ریاض 80 فیصد، علی رضا 50 فیصد اور انس 40 فیصد جھلس کر زخمی ہوئے ہیں۔

پولیس  کے مطابق اہلیہ حسن ارا،بیٹی،اریبہ،علیزہ،اور بیٹے اویس کی حالت خطرے سے باہر ہے۔ ۔ زخمی افراد کو سول اسپتال برنس وارڈ میں طبی امداد فراہم کی جا رہی ہے۔

فائر بریگیڈ حکام کے مطابق ایک فائر ٹینڈر کی مدد سے آگ پر قابو پایا گیا، جبکہ جائے حادثہ پر گیس کی بو پھیلی ہوئی ہے۔