پی ٹی آئی لانگ مارچ  : چوتھے روز کا آغازآج کامونکی سے ہوگا

چئیرمین تحریک انصاف عمران خان تحریک انصاف کے لانگ مارچ کے چوتھے مرحلے کی قیادت کریں گے ۔  عمران خان زمان پارک لاہور میں موجود ہیں وہ 11 بجے روانہ ہونگے ۔  لانگ مارچ کامونکی سے گوجرانوالہ پہنچے گا ۔ عمران خان عوام  سے خطاب بھی کریں گے ۔

 کامونکی میں خطاب کے بعد موڑ ایمن آباد پہنچیں گے، عمران خان کا لانگ مارچ مواد ایمن آباد سےگوجرانوالہ میں چن دا قلعہ پہنچے گا، عمران خان چن دا قلعہ پر لانگ مارچ کے شرکا سے خطا ب کریں گے۔ 

عمران خان کے لانگ مارچ نے پہلے روز لاہور میں لبرٹی چوک سے داتا دربار تک سفر کیا ، دوسرے روز لانگ مارچ  شاہدرہ سے شروع ہو کر فیروز والہ تک پہنچ سکا۔ 

تیسرے روز لانگ مارچ مرید کے سے شروع ہو کر سادھوکی پر رکا۔ 

گزشتہ روزتحریک انصاف کے لانگ مارچ کے دوران سادھوکی کے قریب نجی ٹی وی کی خاتون رپورٹر صدف نعیم ،عمران خان کے کنٹینرکے نیچے آکر جاں بحق ہوگئیں  ، حادثے کے باعث عمران خان نے لانگ مارچ کے تیسرے روز کے اختتام کا اعلان کیا تھا ۔