تحریک انصاف  کا اسلام آباد میں بھرپور احتجاج کا فیصلہ، حکمت عملی تیار

تفصیلات کے مطابق پی ٹی آئی کی مقامی قیادت اور اراکین قومی و صوبائی اسمبلی کی قیادت میں شہر کے داخلی و خارجی راستوں پر بھرپور احتجاج کیا جائے گا۔ 

چیئرمین تحریک انصاف کی کال پر آج چار مقامات پر بڑے احتجاجی مظاہرے کئے جائیں گے ۔

 تحریک انصاف کے کارکنان  فیض آباد کے مقام پر بڑا احتجاجی مظاہرہ کریں گے  جبکہ دوسرا بڑا احتجاجی مظاہرہ جی ٹی روڈ پر روات کے مقام پر کیا جائے گا ۔

 مری ایکسپریس وے پر سلکھیتر کے مقام پر بھی بڑے احتجاجی مظاہرے کی تیاریاں مکمل کرلی گئیں ہیں جبکہ جی ٹی روڈ ٹیکسلا کے مقام پر بھی بہت بڑا احتجاجی مظاہرہ کیا جائے گا۔ 

اس حوالے سے  تمام مقامات پر بھرپور احتجاج کیلئے انتظامی کمیٹیاں تشکیل دے دی گئیں ۔

تحریک انصاف اسلام آباد اور راولپنڈی کی قیادت اب سے کچھ ہی دیر میں قافلوں کے ہمراہ احتجاج کیلئے نکلے گی ۔ 

خیال رہے کہ گزشتہ روز ٹوئٹر پر اپنے ایک پیغام میں اسد عمر نے آج ملک   بھر میں احتجاج کا اعلان کرتے ہوئے کہا تھا کہ  ہر شہر کی احتجاج کی جگہ کا اعلان مقامی تنظیمیں کریں گی۔